ياميمة

75

ياميمة

لوكان يجيبوا في يديّ المرجان

وديامنت العالم وقصورات زمان

وسلاطين الدنيا يحطوني سلطان

لا نبعد لانحيد… عن زين التبسيمة

وكل دقيقة عيد… فاحضانك ياميمة!!

……………………

لوكان يحطّولي في يديّ مفتاح

يحل كنوز الدنيا ونتهنّى ونرتاح

ونولّي أسطورة بين ليلة وصباح

ما ننسى الخيرات…. من يدك الكريمة

ونشوف الجنّات…. فعيونك ياميمة

…………………….

لو تزهى ليام ونولّي فنّان

فوق البرج العالي متربّع مطمان

والنّاس يحلّولي في الجنّة البيبان

تبقى أحلى غناية … فوق لساني ديما

في بنّتها نهاية…. كي نقلّك يامّيمة

 

الشاعر علي الورتاني

هدية منه الى كل أمهات تونس

للاطلاع على المزيد من الابداعات الثقافية زر موقع ثقافتنا

التعليقات مغلقة.

elit. sed eleifend tempus fringilla Phasellus mattis tristique neque. Sed